සිංහලෙන් excel ඉගෙන ගනිමු - 4 (If භාවිතය)

මේ යම් විභාගයක සමත් සහ අසමත් අය තෝරා ගැනීමට 'If' භාවිතා කරන ආකාරයයි.
=If(A2<35,''Fail'',''Pass'')
ඉහත දක්වා ඇත්තේ මෙම සමීකරණයෙහි සරලම ආකාරය වේ. මෙහිදී මුලින්ම = ලකුණ යොදා ඊට පසු If ඊට පසු වරහන් තුළ මුලින්ම තර්කය, එනම්, A2<35 (A2 හි අගය 35 ට අඩුනම් යන්න මෙහි අදහස වේ.) ඉන් පසුව තර්කයට අනුකූල වේ නම් සටහන් විය යුත්ත. එනම් Fail . ඉන්පසුව එසේ නොවේ නම් සටහන් විය යුත්ත. එනම් Pass.
ඇතැම් විට දත්ත ඇතුලත් කිරීමේදී ලකුණු 100 ට වැඩි සහ 0 ට අඩු එනම් සෘණ ලකුණු ඇතුලත් විය හැකිය. එවිට එවැනි වරදවල්ද If භාවිතා කිරීමේදී හඳුනාගත හැකි පරිදි සමීකරණ ලිවිය හැකිය.
එලෙස එවැනි වරදවල්ද හඳුනාගත හැකි පරිදි සකස් කල Formula එක පහත දැක්වේ.

=If(A2<0,''Error'',If(A2,<35,''Fail'',If(A2<100,''Pass","Error")))

මෙහි If යන්න ස්ථාන තුනකදී යොදනු ලැබේ.එනම් මෙම තනි Formula එක සකස් කර ඇත්තේ Formula 03ක් එකට එකතු කිරීමෙනි. එනම්,

(1) =If(A2<0,"Error","")

(2) =If(A2<35,"Fail","")

(3) =If(A2<100,"Pass","")

යන සමීකරණ තුනයි.

(1)+(2)+(3) -->

මෙය මෙලෙස පැහැදිලි කර ගනිමු.

පළමුව --> A2<0 (A2, 0 ට වඩා කුඩා නමි) "Error" ලෙස සටහන් වීමට. ඉන්පසු එසේ නොවේ නම්,

දෙවනුව --> A2<35 (A2, 35 ට වඩා කුඩා නම්) "Fail" ලෙස සටහන් වීමට, ඉන්පසු එසේ නොවේ නම්,

තුන්වනුව --> A2<100 (A2, 100 ට වඩා කුඩා නම්) "Pass" ලෙස සටහන් වීමට,

මෙහිදී If වලට පසුව ආරම්භක වරහනද සම්පූර්ණ සමීකරණය අවසානයේ භාවිතා කල If 03 ට අදාළව අවසන් කිරීමට වරහන් 03 ක් යෙදිය යුතුය.

එසේම මේ සෑම කොටසක් අතරටම කොමා (,) ලකුණ යෙදීමටද , සටහන් වීමට අවශ්‍ය වචන වන Error, Fail සහ Pass යෙදිය යුත්තේ උධෘත කොමා (" ") අතරෙහිය.

දැන් අපි පහත පරිදි සටහන් වීමට Formula එකක් සකස් කරමු.

0-35     - W

35-50   - S

50-65   - C

65-75   - B

75-100 - A

=If(A2<0,"Error",If(A2<35,"W",If(A2<50,"S",If(A2<65,"C",If(A2<75,"B",If(A2<100,"A","Error"))))))

පෙර උදාහරණය පරිදි මෙහි If 06 ක් භාවිතා වේ. 

මෙම උදාහරණ දෙකෙන්ම පෙන්වා ඇත්තේ If පමණක් භාවිතා කොට සකස් කර ඇති සමීකරණයි. මීට පෙර උගත් Text වර්ගයේ දත්ත සඳහා යොදා ගන්නා Formula සමග භාවිතාවක් දැන් බලමු.

මෙහිදී අපි පරණ ජාතික හැඳුනුම්පත් අංකය මගින් ගැහැණු , පිරිමි සොයා ගැනීමට Formula එකක් සකස් කරමු.

* එසේම මෙහිදී Text වර්ගයේ දත්තයක් Numeric වර්ගයේ දත්තයක් බවට පරිවරිතනය කිරීම සඳහා Value යන Formula හි භාවිතයද බලමු.

=Value(A2)

881530460V
මෙහි ගැහැණු පිරිමි බව දැක්වෙනිනේ 3,4,5 අංක වලිනි. පළමුව එය තෝරා ගැනීමට Mid යන Formula එක බලමු.
=Mid(A2,3,3)
මෙහිදී 500 ට අඩු නම් පිරිමි සහ 500 ට වැඩි නම් ගැහැණු ලෙස දක්වනු ලැබේ. එසේ නම් එම සමීකරණය මෙලෙස ලියමු.

=If(Value(Mid(A2,3,3))<500,"Male","Female") ----(1)


=If(Value(Mid(A2,3,3))<367,"Male",If(Value(Mid(A2,3,3))<500,"Error",If(Value(Mid(A2,3,3))<867,"Female","Error"))) ----(2)

මෙහි 2 වන සමීකරණය මගින් වැරදි ජා.හැ.අ. හඳුනා ගැනීමටද භාවිතා කල හැකිය.

සැලකිය යුතුයි :- සමීකරණ ලිවීමේදී තර්කානුකූල ලෙස ලිවිය යුතුයි. Excel මෘදුකාංගය මගින් සමීකරණ හඳුනා ගැනීමේදී අපි එය ලියන පිලිවෙලට හඳුනාගැනීම සිදු කරයි. ලියන පිලිවෙල මාරු වුවහොත් අපට ලබාදෙන තොරතුරු මාරු වේ. උදාහරණ ලෙස ලකුණු වලට A,B,C,D දැමීමේදී ලකුණු වැඩිවෙන පිළිවලට දැමිය යුතුය.මුලින්ම 0 ට අඩු ඊටපසු 35 ට අඩු ඊටපසු 50 ට අඩු ඊටපසු 65 ට අඩු සහ ඊටපසු 100 ට අඩු ලෙස ලිවිය යුතුය. නැතිනම් මුලින්ම 100 ට අඩු ලෙස ලියුවහොත් ඉන්පසු තර්කය ඇත්තේ 100 ට වැඩි ලකුණු සඳහා පමණි. අනෙක් සියළු 100 ට අඩු ලකුණු සඳහා A ලෙස ලැබේ.